Xitay altuntaghni téship ötidighan tömüryol tonilini jiddiy qazmaqtiken

Muxbirimiz qutlan
2018-02-17
Share

Chaqiliq nahiyilik hökümet torining xewirige qarighanda, xitay nöwette chingxey ölkisining golmud shehiridin bashlinip köknor-tibet égizlikini boylap Uyghur élidiki altuntaghni téship ötidighan tömüryol tonilini jiddiy türde qézishqa bashlighan.

Xewerde déyilishiche, 10-féwral küni golmod-korla tömüryolini yasash qurulushining Uyghur aptonom rayoni tewesidiki yol yasash etriti altun taghni téship ötidighan tömüryol tonilining 5600 métirliq qismini qézip bolghan. Igilinishiche, altuntaghni téship ötidighan bu tömüryol tonili pütün liniyediki eng uzun tonil hésablinidiken.

Eger bu tömüryol liniyisi pütüp qatnash bashlansa xitay ölkiliridin Uyghur diyarigha tutushidighan yene bir tömüryol liniyisi échilidiken. 

Xitay hökümiti “Bir belwagh, bir yol” istratégiyisini bashlighandin buyan Uyghur diyarini ottura asiya we jenubiy asiya ikkinchi quruqluqigha ötüshtiki istratégiyilik belwaghqa aylandurushni pilanlighan. 

Közetküchilerning ilgiri sürüshiche, golmodtin bashlinip Uyghur diyarining xoten we korla sheherlirige tutushidighan bu tömüryol liniyisi tarim oymanliqidin xitay ölkilirige toshulidighan xam eshya, néfit we tebi'iy gaz miqdarini hessilep ashurupla qalmay, eng muhimi “Xitay-pakistan iqtisadiy karidori” ning qatnash rawanliqini yenimu ilgiri süridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet