Америка тәйвәнниң президент кандидатини дөләт ишлар министирликидә күтүвалди

Мухбиримиз җүмә
2015-06-06
Share


Америка тәйвәнниң бир нәпәр президент кандидатини дөләт ишлар министирликидә күтүвалди. Тәйвән мәтбуатлириға қариғанда, америка зиярәттә болуватқан киши 2016 - йиллиқ тәйвән президентлиқ сайлимиға "тәйвән демократик вә тәрәққият партийәси" дин намзатлиққа көрситилгән сәй йиңвен ханим икән.

"тәйвән демократик вә тәрәққият партийәси" болса "тәйвән гоминдаң партийәси" гә охшимайдиған һалда тәйвән мустәқиллиқини тәшәббус қилидиған партийәдур.

Тәйвән мустәқиллиқини яқилиғучи партийә кандидатиниң америка дөләт ишлар министирликидә зиярәттә болуши диққәтни чәкти.

Мәлум болушичә, сәй йиңвен ханим муавин дөләт ишлар министири антонй блинкен билән көрүшкән.

Бу һәқтә тохталған дөләт ишлар баянчиси марийе һарфниң ейтишичә, юқириқи иккийлән арисида өткүзүлгән сөһбәтниң америкиниң тәйвән сияситидә өзгириш болғанлиқи көрсәтмәйдикән.

Хитай тәрәп "тәйвән демократик тәрәққият партийәси" ниң мустәқиллиқ тәрғибатини әзәлдин яқтурмай кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт