Amérika teywenning prézidént kandidatini dölet ishlar ministirlikide kütüwaldi

Muxbirimiz jüme
2015-06-06
Share


Amérika teywenning bir neper prézidént kandidatini dölet ishlar ministirlikide kütüwaldi. Teywen metbu'atlirigha qarighanda, amérika ziyarette boluwatqan kishi 2016 - yilliq teywen prézidéntliq saylimigha "Teywen démokratik we tereqqiyat partiyesi" din namzatliqqa körsitilgen sey yingwén xanim iken.

"Teywen démokratik we tereqqiyat partiyesi" bolsa "Teywen gomindang partiyesi" ge oxshimaydighan halda teywen musteqilliqini teshebbus qilidighan partiyedur.

Teywen musteqilliqini yaqilighuchi partiye kandidatining amérika dölet ishlar ministirlikide ziyarette bolushi diqqetni chekti.

Melum bolushiche, sey yingwén xanim mu'awin dölet ishlar ministiri antony blinkén bilen körüshken.

Bu heqte toxtalghan dölet ishlar bayanchisi mariyé harfning éytishiche, yuqiriqi ikkiylen arisida ötküzülgen söhbetning amérikining teywen siyasitide özgirish bolghanliqi körsetmeydiken.

Xitay terep "Teywen démokratik tereqqiyat partiyesi" ning musteqilliq terghibatini ezeldin yaqturmay kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet