Amérika dölet ishliri ministiri üch asiya dölitini ziyaret qilidu

Muxbirimiz irade
2017.03.08
Share on WhatsApp
Share on WhatsApp

Amérika dölet ishliri ministiri réks tillérson 3-ayning 15-künidin 19-künigiche yaponiye, jenubiy koréye we xitayda resmiy ziyarette bolidiken. Bu uning wezipige olturghandin buyanqi asiya-tinch okyan döletlirige qaratqan tunji ziyariti bolup hésablinidu.

Amérika dölet ishliri ministirliqining bayanatchisi mark tonérning bu heqtiki bayanatidin qarighanda, réks tillérson özining yuqiridiki bu döletlerdiki ziyariti jeryanida, bir qisim yuqiri derijilik rehberler bilen uchriship, amérikining bu döletler bilen bolghan munasiwetliri, istratégiyelik hemkarliqlar, shimaliy koréyening yadro tehditige qarshi turush we amérikining asiya-tinch okyan rayonidiki iqtisadiy hem bixeterlik menpe'etlirini kapaletke ige qilishqa munasiwetlik xelq'araliq qanunlarni kücheytish qatarliq témilarda söhbet élip baridiken.

Melum bolushiche, uning xitaygha qilidighan ziyariti xelq'aradiki kishilik hoquq pa'aliyetchilirining diqqitini qozghawatqan bolup, bir qisim közetküchiler réks tillérson ependige tiwittér tori arqiliq qilghan chaqiriqlirida, uningdin xitaydiki ziyariti dawamida choqum kishilik hoquq mesilisini otturigha qoyushni, xitay hökümitining mejburiy iqrar qildurush herikiti qatarliq kishilik hoquq aktiplirigha qiliwatqan bésimlirini sürüshte qilishni telep qildi.

Amérika awazining xewer qilishiche,réks tillérson xitay ziyaritide xitay dölet re'isi shi jinping bilenmu körüshidiken.

Amérika Uyghur birleshmisi re'isi ilshat hesen ependimu kishilik hoquqning amérikining eng asasiy qimmet qarishi ikenlikini eskertip turup, “Réks tillérson ependi amérikining bu en'enisini dawamlashturup, Uyghurlarning mesilisige köngül bölüshi kérek” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.