Америка асия - тинч окян райониға B2 типлиқ бомбардиманчи айропиланлирини йөткигән

Мухбиримиз җүмә
2016-03-12
Share


Америка истратегийилик қоманданлиқ штабиниң чаршәнбә күни билдүрүшичә, улар америка тинч окян қоманданлиқ штаби қоллаш үчүн мәзкур қоманданлиқ штабиға атом бомбиси ташлаш иқтидариға игә 3 данә B2 типлиқ радар көрүнмәс бомбардиманчи айропиланлирини әвәткән.

Америка “армийә гезити” ниң хәвәр қилишичә, мәзкур бомбардиманчи айропиланлар шималий корейә бу йилниң бешида елип барған башқурулидиған бомба синиқидин кейин йөткәлгән.

Шималий корейә бу йил 6 - январ бир водород бомбиси синақ қилғанлиқини елан қилған вә 7 - феврал йирақ мусапилик ракета билән сүний һәмраһ қоюп берип америка, японийә, җәнубий корейә қатарлиқ дөләтләрниң қаттиқ наразилиқини қозғиған.

Униңдин башқа йәнә шималий корейә даирилири бу сәйшәнбә күни ядро бомбисини кичиклитип ясап чиққанлиқини билдүргән.

2 - Март б д т хәвпсизлик кеңиши шималий корейәниң йеқинқи ядро синиқиға қарши кәң даирилик қаттиқ иқтисадий җаза елан қилған. Мәзкур иқтисадий җаза лайиһәси америка қатарлиқ дөләтләр тәрипидин һазирланған болуп, лайиһә кеңәштә бирдәк қоллашқа еришкән.

Мәлум болушичә, бу қетимқи иқтисадий җазада су, қуруқлуқ, һавадин шималий корейәгә кирип - чиқидиған барлиқ малларни тәкшүрүш, һава армийәсигә ишлитилидиған йеқилғуларни қисиш қатарлиқларни өз ичигә алидикән.

Шималий корейә тәрәп пәйшәнбә күни йәнә икки қисқа мусапилик башқурулидиған бомбини деңизға етип, б д т ниң йеңи иқтисадий җаза тәдбиригә қаршилиқ билдүргән иди.

Хәвәргә қариғанда, америка B2 типлиқ 2 типлиқ бомбардиманчи айропиланлирини асия - тинч окян райониға 2015 - йили күздә бири қетим, вә 2013 - йили мартта бир қетим әвәткән.

Америкиниң тинч окян қоманданлиқ штаби америка қораллиқ қисимлириға қарайдиған әң чоң қомандалиқ шитаби. У һинди - асия вә тинч окян районлирини өзиниң мәсулийәт даирисигә киргүзгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт