Amérika asiya - tinch okyan rayonigha B2 tipliq bombardimanchi ayropilanlirini yötkigen

Muxbirimiz jüme
2016-03-12
Share


Amérika istratégiyilik qomandanliq shtabining charshenbe küni bildürüshiche, ular amérika tinch okyan qomandanliq shtabi qollash üchün mezkur qomandanliq shtabigha atom bombisi tashlash iqtidarigha ige 3 dane B2 tipliq radar körünmes bombardimanchi ayropilanlirini ewetken.

Amérika "Armiye géziti" ning xewer qilishiche, mezkur bombardimanchi ayropilanlar shimaliy koréye bu yilning béshida élip barghan bashqurulidighan bomba siniqidin kéyin yötkelgen.

Shimaliy koréye bu yil 6 - yanwar bir wodorod bombisi sinaq qilghanliqini élan qilghan we 7 - féwral yiraq musapilik rakéta bilen sün'iy hemrah qoyup bérip amérika, yaponiye, jenubiy koréye qatarliq döletlerning qattiq naraziliqini qozghighan.

Uningdin bashqa yene shimaliy koréye da'iriliri bu seyshenbe küni yadro bombisini kichiklitip yasap chiqqanliqini bildürgen.

2 - Mart b d t xewpsizlik kéngishi shimaliy koréyening yéqinqi yadro siniqigha qarshi keng da'irilik qattiq iqtisadiy jaza élan qilghan. Mezkur iqtisadiy jaza layihesi amérika qatarliq döletler teripidin hazirlan'ghan bolup, layihe kéngeshte birdek qollashqa érishken.

Melum bolushiche, bu qétimqi iqtisadiy jazada su, quruqluq, hawadin shimaliy koréyege kirip - chiqidighan barliq mallarni tekshürüsh, hawa armiyesige ishlitilidighan yéqilghularni qisish qatarliqlarni öz ichige alidiken.

Shimaliy koréye terep peyshenbe küni yene ikki qisqa musapilik bashqurulidighan bombini déngizgha étip, b d t ning yéngi iqtisadiy jaza tedbirige qarshiliq bildürgen idi.

Xewerge qarighanda, amérika B2 tipliq 2 tipliq bombardimanchi ayropilanlirini asiya - tinch okyan rayonigha 2015 - yili küzde biri qétim, we 2013 - yili martta bir qétim ewetken.

Amérikining tinch okyan qomandanliq shtabi amérika qoralliq qisimlirigha qaraydighan eng chong qomandaliq shitabi. U hindi - asiya we tinch okyan rayonlirini özining mes'uliyet da'irisige kirgüzgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet