Amérika bu yil martta wiyétnamgha awiyamatka ewetidighanliqini jakarlidi

Muxbirimiz irade
2018-01-25
Share

Igilinishiche, amérika bu yil mart éyida wiyétnamgha awiyamatka ewetmekchi iken. Roytérs agéntliqining xewer qilishiche, bügün amérika-wiyétnam her ikkila terep bu xewerning toghriliqini jezmleshtürgen. Közetküchilerning bildürüshiche, bu wiyétnam urushidin kéyin ikki dölet herbiy munasiwetlirining künsayin chongqurlishiwatqanliqining roshen bir ipadisi bolup hésablinidiken.

Melum bolushiche, bu qarar amérika dölet mudapi'e ministiri jim mattisning wiyétnam paytexti xanoyda élip barghan ikki künlük ziyariti mezgilide élan qilin'ghan. Her ikki terep, bu qétimliq uchrishishining muhim nuqtisini xitayning jenubiy déngizdiki jiddiy kéngeymichilikige qaratqan iken.

Wiyétnam dölet mudapi'e ministirliqining bu heqtiki bayanatida, amérika awiyamatkisining wiyétnamdiki merkizi port bolghan danang portigha kélidighanliqi bildürülgen.

Roytérs agéntliqining bildürüshiche, amérika awiyamatkisining wiyétnamgha kélishi xitayning herbiy kéngeymichilikidin ensirewatqan, bolupmu uning jenubiy déngizning igilik hoquq mesilisidiki mushtumzorluqidin narazi boluwatqan döletlerni memnun qilidiken. Bu seweblik amérika, awstraliye, hindistan we yaponiye qatarliq 4 dölet öz-ara hemkarliq ornatqandin sirt, ular yene wiyétnam bilen bolghan herbiy alaqisinimu kücheytmektiken.

Amérika awiyamatkisining danang portigha qilidighan ziyariti bir qanche ayliq diplomatik uchrishishlarning netijisi bolup, ikki dölet herbiy munasiwetlirining bu xil tereqqiyatigha türtke bolghan asasliq amil-del xitayning rayondiki herbiy kéngeymichiliki keltürüp chiqarghan jiddiychilik iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet