Amérikaning dölet bayrimi daghdughiliq tebriklendi

Muxbirimiz eziz
2017.07.04

4-Iyul küni amérikaning dölet bayrimi bolup, bu yilqi bayrammu ötken yillardikige oxshash zor daghdugha bilen tebriklendi. Amérikaning herqaysi jayliridin kelgen nechche yüz ming sayahetchi washin'gton shehirige toplinip, bu jayda ötküzülmekchi bolghan chong kölemlik puqrawi parat we étildaq tamashasigha ishtirak qildi.

“4-Iyul” küni amérika qoshma shtatlirining buningdin 241 yil ilgiri, yeni 1776-yili 4-iyulda britaniye impériyisidin ayrilip chiqip musteqil bolghanliqini jakarlighan kün bolup, “Musteqilliq küni” depmu atilidu. Bu xatire kün shuningdin étibaren étildaq tamashasi, parat, dala kawipi, bazar we türlük konsért pa'aliyetliri bilen bir gewdileshken halda tebriklinip kéliniwatidu.

Bu yilqi bayram mezgilide oxshashla qattiq bixeterlik tedbirliri élin'ghan bolup, bu hal meyli washin'gton shehiride bolsun yaki herqaysi chong sheherlerde bolsun oxshash dawam qildi. Amérikaning herqaysi jayliridiki Uyghurlarmu tebriklesh pa'aliyetlirige ishtirak qilip, bayramliq xushalliqtin birlikte behirlendi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.