Америка дөләт бихәтәрликиниң йеңи нишанлири тәхмин қилинмақта

Мухбиримиз әзиз
2018.01.23
Share on WhatsApp
Share on WhatsApp

Өткән һәптә америка дөләт мудапиә министирлики елан қилған һөҗҗәтләр нөвәттә америка һәрбий қисимлириниң террорлуққа қарши җәң қилишни давам әттүрүш билән биргә хитай яки русийәгә охшаш зор күчләр билән болидиған тоқунушқа мәркәзлишидиғанлиқини көрсәтти.

Америкиниң дөләт мудапиә министири җеймис маттис бу һәқтә сөз қилип “биз террорлуқ билән җәң қилишни давам қилдурсақму нөвәттә зор күчләр арисидики риқабәт америкиниң дөләт бихәтәрликидә әң алдинқи орунни игилимәктә” дегән. У бу тоғрилиқ тохтилип һазир русийә вә хитайниң тохтимастин америкиниң йетәкчилик ролиға хирис қиливатқанлиқини, шуниң үчүн ақ сарайниң буниңға мунасип тәдбир елиши зөрүр икәнликини тәкитлигән.

“дөләт мәнпәәти” гезитиниң тәһрирлиридин дейв маҗумдар имзасида мәзкур гезиткә бесилған бу һәқтики мақалида аптор җеймис маттисниң сөзлиридин нәқил кәлтүрүш арқилиқ, “бундин кейинки америка һөкүмитиниң һәрбий ишлирида русийә вә хитайни уруш мәйданлирида вәйран қилиш нишан қилиниду”, дәп көрситиду. Униң пикричә, нөвәттә русийә вә хитайниң америкиға пәйда қиливатқан хирислирини бәрбат қилишта америкиниң һәрбий қудрити йетәрлик икән.

“вал ситрет гезити” ниң 23-январдики хәвиригә қариғанда, америкиниң дөләт мудапиә министири җеймис маттис бүгүн һиндонезийәгә зиярәткә кәлгәндә хитайниң “ялмап ютуш” шәклидики иқтисадий кеңәймичилик арқилиқ өзиниң кичик қошнилирини контрол қилмақчи болуватқанлиқини алаһидә тәкитлигән. Шуниңдәк америкиниң шәрқий җәнубий асиядики һиндонезийә, вийетнам қатарлиқ истратегийәлик шерикләр билән деңиз райони мәсилилиридә зич һәмкарлишидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт