Amérika dölet bixeterlikining yéngi nishanliri texmin qilinmaqta

Muxbirimiz eziz
2018-01-23
Share

Ötken hepte amérika dölet mudapi'e ministirliki élan qilghan höjjetler nöwette amérika herbiy qisimlirining térrorluqqa qarshi jeng qilishni dawam ettürüsh bilen birge xitay yaki rusiyege oxshash zor küchler bilen bolidighan toqunushqa merkezlishidighanliqini körsetti.

Amérikining dölet mudapi'e ministiri jéymis mattis bu heqte söz qilip "Biz térrorluq bilen jeng qilishni dawam qildursaqmu nöwette zor küchler arisidiki riqabet amérikining dölet bixeterlikide eng aldinqi orunni igilimekte" dégen. U bu toghriliq toxtilip hazir rusiye we xitayning toxtimastin amérikining yétekchilik roligha xiris qiliwatqanliqini, shuning üchün aq sarayning buninggha munasip tedbir élishi zörür ikenlikini tekitligen.

"Dölet menpe'eti" gézitining tehrirliridin déyw majumdar imzasida mezkur gézitke bésilghan bu heqtiki maqalida aptor jéymis mattisning sözliridin neqil keltürüsh arqiliq, "Bundin kéyinki amérika hökümitining herbiy ishlirida rusiye we xitayni urush meydanlirida weyran qilish nishan qilinidu", dep körsitidu. Uning pikriche, nöwette rusiye we xitayning amérikigha peyda qiliwatqan xirislirini berbat qilishta amérikining herbiy qudriti yéterlik iken.

"Wal sitrét géziti" ning 23-yanwardiki xewirige qarighanda, amérikining dölet mudapi'e ministiri jéymis mattis bügün hindonéziyege ziyaretke kelgende xitayning "Yalmap yutush" sheklidiki iqtisadiy kéngeymichilik arqiliq özining kichik qoshnilirini kontrol qilmaqchi boluwatqanliqini alahide tekitligen. Shuningdek amérikining sherqiy jenubiy asiyadiki hindonéziye, wiyétnam qatarliq istratégiyelik shérikler bilen déngiz rayoni mesililiride zich hemkarlishidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet