Американиң хитайда турушлуқ баш әлчиси хитай һөкүмитини гүлшән аббасни қоюп беришкә чақирди

Вашингтондин мухбиримиз җәвлан тәйярлиди
2023.09.11

Американиң хитайда турушлуқ баш әлчиси никулас бурнс(Nicholas Burns) 11-сентәбир күни тиветтр, йәни һазирқи X да учур йоллап, гүлшән аббас вә башқа барлиқ тутқунларни қоюп беришкә чақирди.

Никулас бурнис X да йоллиған учурида мундақ дәйду: “9-айниң 11-күни дәм елишқа чиққан уйғур дохтур гүлшән аббасниң тутулғиниға 5 йил болиду. Униң 20 йиллиқ кесиветилгәнлики хәвәр қилинғаниди, бундақ җаза әқилгә сиғмайду. Биз хитай хәлқ җумһурийитини дохтур гүлшән аббас, шундақла миллити вә дини етиқади сәвәбидин тутулған барлиқ кишиләрни қоюп беришкә чақиримиз” .

 Дохтур гүлшән аббас америкадики уйғур һәрикити тәшкилатиниң рәиси рошән аббас ханимниң һәдиси болуп, 2018-йили хитайниң өч елиш характерлик тутқун қилишиға учриғанлиқи, 2020-йили 20 йиллиқ кесилгәнлики мәлум болғаниди.

Игилинишичә, хитай һөкүмити гүлшән аббасниң делосидиму башқа уйғур тутқунларниң делолириға охшашла қануний тәртипкә, тутқунларниң һәқ-һоқуқлириға әмәл қилмиған. Бу йил 5-айда, америка ташқи ишлар министирлиқи вә б д т кишилик һоқуқ кеңиши халиғанчә тутқун қилишқа қарши туруш хизмәт гурупписи гүлшән аббас қатарлиқ кишиләрни шәртсиз қоюп беришни тәләп қилғаниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.