Amérikaning xitayda turushluq bash elchisi xitay hökümitini gülshen abbasni qoyup bérishke chaqirdi

Washin'gtondin muxbirimiz jewlan teyyarlidi
2023.09.11

Amérikaning xitayda turushluq bash elchisi nikulas burns(Nicholas Burns) 11-séntebir küni tiwéttr, yeni hazirqi X da uchur yollap, gülshen abbas we bashqa barliq tutqunlarni qoyup bérishke chaqirdi.

Nikulas burnis X da yollighan uchurida mundaq deydu: “9-Ayning 11-küni dem élishqa chiqqan Uyghur doxtur gülshen abbasning tutulghinigha 5 yil bolidu. Uning 20 yilliq késiwétilgenliki xewer qilin'ghanidi, bundaq jaza eqilge sighmaydu. Biz xitay xelq jumhuriyitini doxtur gülshen abbas, shundaqla milliti we dini étiqadi sewebidin tutulghan barliq kishilerni qoyup bérishke chaqirimiz” .

 Doxtur gülshen abbas amérikadiki Uyghur herikiti teshkilatining re'isi roshen abbas xanimning hedisi bolup, 2018-yili xitayning öch élish xaraktérlik tutqun qilishigha uchrighanliqi, 2020-yili 20 yilliq késilgenliki melum bolghanidi.

Igilinishiche, xitay hökümiti gülshen abbasning délosidimu bashqa Uyghur tutqunlarning délolirigha oxshashla qanuniy tertipke, tutqunlarning heq-hoquqlirigha emel qilmighan. Bu yil 5-ayda, amérika tashqi ishlar ministirliqi we b d t kishilik hoquq kéngishi xalighanche tutqun qilishqa qarshi turush xizmet guruppisi gülshen abbas qatarliq kishilerni shertsiz qoyup bérishni telep qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.