Amérika we gérmaniye elchixanilirining xitay hökümitige qilghan chaqiriqi xitayni narazi qildi

Muxbirimiz irade
2017-12-28
Élxet
Pikir
Share
Print

Amérika we gérmaniye elchixanilirining xitay hökümitige kishilik hoquq adwokati wugenni qoyuwétish heqqide qilghan chaqiriqi xitayni narazi qildi. Xitay tashqi ishlar bayanatchisi xu'a chünying peyshenbe künidiki bayanatida yuqiridiki bu ikki dölet elchixanilirining "Xitayning ichki ishigha arilishish hoquqi yoq" dep inkas qayturdi.

Roytérs agéntliqining xewer qilishiche, xitay soti seyshenbe küni xitaydiki tonulghan kishilik hoquq aktipi, tenqidchi wugenni "Hakimiyetni aghdurushqa urunush" dégen jinayet bilen eyiblep 8 yilliq qamaq jazasigha höküm qilghan idi. Buning bilen, amérika we gérmaniyening xitayda turushluq bash elchixaniliri birleshme bayanat élan qilip, xitay hökümitini wu gen'ge artilghan jinayetni bikar qilip, uni azad qilishqa chaqirghan. Ikki dölet birleshme bayanatida yene mundaq dégen: 

"Biz xitay hökümitini kishilik hoquq aktiplirini we adwokatlarni qanunning ijra qilinishini kapaletke ige qilish arqiliq döletning ijtima'iy tereqqiyatini küchlendüridighan bir hemkarlashquchi, dep qarashqa chaqirimiz" 

Biraq, xitay tashqi ishlar bayanatchisi xu'a chünying peyshenbe künidiki sözide, xitayning qanun bilen idare qilinidighan dölet ikenlikini ilgiri sürüp, yuqiridiki dölet elchixanilirini xitayning ichki ishlirini eyiblesh hoquqi yoqluqini bildürgen.

Xitay kishilik hoquq adwokati wugen bolsa sottin kéyin adwokati arqiliq qilghan bayanatida: "Diktator hakimiyetni tenqid qilish démek alliqachan türmige baridighan yolgha chiqqanliq démek. Men bu yolni bilip turup tallidim emma men xelq'ara jem'iyetning xitaydiki kishilik hoquq weziyitige diqqet qilishni telep qilimen" dégen.

Toluq bet