Америкиниң бир һәрбий парахоти җәнубий деңизға киргән

Мухбиримиз үмидвар
2017-07-02
Share

Йәкшәнбә күни америкиниң бир һәрбий парахоти җәнуби деңиздики талаш-тартиш үстидики, әмма һазир хитай тәрипидин контрол қилиниватқан тритон арилиға йеқин деңиз тәвәликигә киргән.

Америкиниң "фокс хәвәрлири" ториниң учурлириға қариғанда, америкиниң "стезем" ("усс стәтһәм") намлиқ японийәгә орунлаштурулған башқурулидиған бомба билән қоралланған қоғлиғучи парахот хитай билән вийетнам арисидики талаш тартиштики парасил араллириниң бир қисми болған тритон арилиға 12 мил йеқин районға киргән. Хитайниң бир һәрбий парахоти мәзкур америка һәрбий парахотиниң арқисидин әгишип маңған.

Тинч окян флотиниң баянатчиси мухбирларға мәзкур америка һәрбий парахотиниң әркин деңиз сәпири паалийити елип барғанлиқи вә бу хил паалийитини кәлгүсидиму давамлаштуридиғанлиқини билдүргән.Бу, доналд трамп президент болғандин буян иккинчи қетим америка һәрбий парахотиниң җәнуби деңиздики талаш тартиш үстидики деңиз тәвәликидә әркин сәпәр қилишидур. Илгирики сәпәр хитай тәрәпниң әйиблишигә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт