Җон керри һиндистанни зиярәт қилди

Мухбиримиз үмидвар
2015-01-12
Share


Америка дөләт ишлири министири җон керри америкиниң бир сода вәкилләр өмикини башлап йәкшәнбә күни һиндистанниң әхмәдабад шәһиригә йетип келип, иқтисадий мәбләғ селиш вә сода - иқтисад йиғиниға қатнишип, америкиниң җәнубий асия дөләтлири билән иқтисадий алақилири күчәйтишни халайдиғанлиқини тәкитлиди.

Америка авазиниң хәвәр қилишичә, бу, җон керриниң алтә ай ичидә иккинчи қетим һиндистанни зиярәт қилиши болуп һесаблинидикән. У йәнә бу йиғинға қатнашқан һиндистан вә америка ширкәтлири башлиқлири биләнму учрашмақчи.

Җон керри йәнә һиндистан баш министири нарендра моди билән көрүшүп, обаманиң һиндистан зияритиниң күн тәртиплирини муһакимә қилди, америка һиндистан билән болған сода - иқтисадий мунасивәтлирини күчәйтиватқан болуп, икки дөләтниң сода миқдари 90 милярд америка доллиридин ешип кәткән.

Керри шәнбә күни һиндистанға атлиниш алдида германийиниң миюнхен шәһиридә аман дөлитиниң башлиқи кабус билән көрүшүп сөһбәт өткүзгән. Керри йәнә һиндистан сәпиридин кейин җәнвәдә иран ташқи ишлар министири биләнму көришидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт