Jon kérri hindistanni ziyaret qildi

Muxbirimiz ümidwar
2015-01-12
Share


Amérika dölet ishliri ministiri jon kérri amérikining bir soda wekiller ömikini bashlap yekshenbe küni hindistanning exmedabad shehirige yétip kélip, iqtisadiy meblegh sélish we soda - iqtisad yighinigha qatniship, amérikining jenubiy asiya döletliri bilen iqtisadiy alaqiliri kücheytishni xalaydighanliqini tekitlidi.

Amérika awazining xewer qilishiche, bu, jon kérrining alte ay ichide ikkinchi qétim hindistanni ziyaret qilishi bolup hésablinidiken. U yene bu yighin'gha qatnashqan hindistan we amérika shirketliri bashliqliri bilenmu uchrashmaqchi.

Jon kérri yene hindistan bash ministiri naréndra modi bilen körüshüp, obamaning hindistan ziyaritining kün tertiplirini muhakime qildi, amérika hindistan bilen bolghan soda - iqtisadiy munasiwetlirini kücheytiwatqan bolup, ikki döletning soda miqdari 90 milyard amérika dolliridin éship ketken.

Kérri shenbe küni hindistan'gha atlinish aldida gérmaniyining miyunxén shehiride aman dölitining bashliqi kabus bilen körüshüp söhbet ötküzgen. Kérri yene hindistan sepiridin kéyin jenwede iran tashqi ishlar ministiri bilenmu körishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet