Amérika hökümiti: "Uyghurlar diyaridiki xitay emeldarlirigha jaza bérishke teyyarliniwatimiz!"

Muxbirimiz eziz
2020-07-03
Share

Uyghur diyaridiki türlük siyasiy basturush we milliy paji'eler dunyagha köplep ashkara bolghandin kéyin amérika hökümitining bu zulumlargha shérik xitay emeldarlirigha jaza bérishi heqqide köpligen chuqanlar otturigha chiqqanidi. Yéqinda mushu ishlar bilen yaxshi tonushluqi bolghan kishiler "Blombérg xewerliri" ge bu heqte söz qilip "Tashqi ishlar ministiri mayk pompéyo bu heqtiki barliq tedbirlerning bekmu qattiq bolidighanliqini eskertti" dégen.

1-Iyuldiki bu gézit xewiride éytilishiche, nöwette aqsarayning xitay bilen bolghan munasiwitining barghanséri yiriklishishige egiship, Uyghur diyaridiki kishilik hoquq depsendichilikige shérik boluwatqan xitay emeldarlirini jazagha tartish amérika hökümiti jiddiy oylishiwatqan mesililerning birige aylinip qalghan. Amérika tashqi ishlar ministiri "Foks xewerliri" ning ziyaritini qobul qilghanda "Uyghur qanuni hazir resmiy qanun'gha aylandi. Emdi uni emelge ashurushni jiddiy oylishiwatimiz" dégen.

Xewerde éytilishiche, yéqindin buyan xitay hökümitining xongkongdiki démokratiye herikitini basturushi bilen amérika-xitay munasiwiti téximu soghuqlashqan. Bu bolsa amérika hökümitining xitaygha qarita bir qisim "Qattiq" tedbirlerni ishqa sélishini téximu tézlitishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.