Америкиниң юқири дәриҗилик һәрбий әмәлдари ирақни туюқсиз зиярәт қилди

Мухбиримиз җүмә
2014-11-15
Share


Америкиниң юқири дәриҗилик һәрбий әмәлдари шәнбә күни ирақни туюқсиз зиярәт қилип, америка - ирақ даирилириниң ислам дөлити җиһадчилириға қариши һәрикәтлирини көздин кәчүргән.

Америка бирләшмә агентлиқиниң хәвәр қилишичә, америка һәрбий штаб башлиқлири бирләшмисиниң рәиси мартин дәмпсәйниң ирақни зиярити америка даирилири ирақтики әскәрлириниң санини көпәйтишини қарар қилған мәзгилгә тоғра кәлгән.

Мәлум болушичә, дәмпсәй йәнә америкиниң ирқта турушлуқ қисимлириниму зиярәт қилған.

Откән һәптә америка президенти обама ирққа йәнә 1500 кишилик қошун йөткәшни қарар қилип, ирақтики америка әскәрлириниң санини 3 миңға йәткүзгән иди.

Аталмиш ирақ - шам ислам дөлити ирақ вә сүрийәниң бир қисим земинлирини игиләп, бағдат вә сүрийәдики қәбилиләргә еғир тәһдит шәкилләндүргәндин кейин, америка бу йил авғусттин башлап ислам дөлити җиһадчилириниң һәрбий әслиһәлирини һавадин бомбилашқа башлиған.

Һалбуки, һавадин бомбилаш күткәндәк унум бәрмигәндин кейин, америка вә әнглийә ираққа деңиз армийә пиядилирини киргүзүшни пилан қилған.

Нөвәттә ираққа йөткәлгән америка қисимлири уруш қилиш вәзиписини өтимәйдиған болуп, улар пәқәт ирақ қисимлириға һәрбий мәслиһәт бериш қатарлиқ вәзипиләрни өтәйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт