Amérikining yuqiri derijilik herbiy emeldari iraqni tuyuqsiz ziyaret qildi

Muxbirimiz jüme
2014-11-15
Share


Amérikining yuqiri derijilik herbiy emeldari shenbe küni iraqni tuyuqsiz ziyaret qilip, amérika - iraq da'irilirining islam döliti jihadchilirigha qarishi heriketlirini közdin kechürgen.

Amérika birleshme agéntliqining xewer qilishiche, amérika herbiy shtab bashliqliri birleshmisining re'isi martin dempseyning iraqni ziyariti amérika da'iriliri iraqtiki eskerlirining sanini köpeytishini qarar qilghan mezgilge toghra kelgen.

Melum bolushiche, dempsey yene amérikining irqta turushluq qisimlirinimu ziyaret qilghan.

Otken hepte amérika prézidénti obama irqqa yene 1500 kishilik qoshun yötkeshni qarar qilip, iraqtiki amérika eskerlirining sanini 3 minggha yetküzgen idi.

Atalmish iraq - sham islam döliti iraq we süriyening bir qisim zéminlirini igilep, baghdat we süriyediki qebililerge éghir tehdit shekillendürgendin kéyin, amérika bu yil awghusttin bashlap islam döliti jihadchilirining herbiy eslihelirini hawadin bombilashqa bashlighan.

Halbuki, hawadin bombilash kütkendek unum bermigendin kéyin, amérika we en'gliye iraqqa déngiz armiye piyadilirini kirgüzüshni pilan qilghan.

Nöwette iraqqa yötkelgen amérika qisimliri urush qilish wezipisini ötimeydighan bolup, ular peqet iraq qisimlirigha herbiy meslihet bérish qatarliq wezipilerni öteydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet