Amérika prézidénti barak obama köchmenler islahat siyasitini xelqqe jakarlaydu

Muxbirimiz irade
2014-11-20
Share

Amérika prézidénti barak obama peyshenbe küni axsham téléwizorda nutuq sözlep, köchmenler islahat siyasitini jakarlaydu.

Amérika awazining xewer qilishiche, eger obamaning pilani mejliste qobul qilin'ghan teqdirde, amérikida qanunsiz turuwatqan 5 milyon kishi chégradin qoghlap chiqirilish xewpidin qutulup qalidiken. Yéngi islahat pilani boyiche, amérika chégralirining bixeterlik tedbirliri chingitilish bilen birge, bala waqtida amérikigha ekep qoyulghan balilargha bérilidighan yardem ashurulidiken.

Biraq, amérika dölet mejliside köp sanliqni igileydighan jumhuriyetchiler bolsa mezkur qanun layihisini qobul qilmaydighanliqini jakarlidi. Buninggha qarshi prézidént obamamu buni qobul qildurush üchün alahide ehwallarda ishlitidighan prézidéntliq ijra'iy hoquqini ishqa salidighanliqini bildürdi. Bezi jumhuriyetchi ezalar prézidént obamaning bu hoquqini ishlitishige qarshi chiqmaqta.

Obama bu axsham téléwizorda xelqqe qilidighan nutqidin kéyin, las wégas shehiridiki bir ottura mektepni ziyaret qilidu. U ikki yil awwal özining köchmenler siyasiti islahatini mushu yerde élan qilghan. Las wégas shehiri qarashliq bolghan néwada shtati bolsa amérikidiki qanunsiz köchmenler sani eng köp shtat hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet