Amérika bilen jenubiy koriye birleshme manéwir ötküzmekchi
2016.03.06
Amérika we jenubiy koriye birlikte 7 - marttin 30 - aprélghiche keng kölemde birleshme herbiy manéwir ötküzmekchi bolup, birleshme agéntliqining xewer qilishiche, bu qétimliq birleshme manéwirgha 15ming neper amérika herbiy xadimi we 300 ming neper jenubiy koriye herbiy xadimi qatnishidiken.
Amérika, küreshchi ayropilanlar etriti, déngiz armiyesining quruqluqta jeng qilghuchi qisimliri, awi'atmatka, su asti paroxoti qatarliqlarni herbiy manéwirgha qatnashturidiken.
B b s agéntliqining xewer qilishiche, jenubiy koriye mudapi'e ministiri xan minko bu manéwirning hejmi ötken yilidikidin ikki hesse zor hésablinidighanliqini bildürgen.
Melum bolushiche, koriye yérim arili rayonining bixeterlikni mesilisi bu yil 1 - aydin bashlap jiddiyleshken bolup, shimaliy koriyening xelq'ara jemiyetning agahlandurushlirigha qarimastin wodrot bombisi sinaq qilishi we uzun musapiliq rakéta qoyup bérishi xelq'ara jemiyetning naraziliqini qozghighan we rayon weziyitini jiddiyleshtürgen idi.
3 - Ayning 2 - küni birleshken döletler teshkilati bixeterlik kéngishi shimaliy koriyening yadro pilani we bashqurulidighan bomba pilanlirigha qarita bir qatar imbargolarni yürgüzüshni qara qilghan.