Америка билән җәнубий корийә бирләшмә маневир өткүзмәкчи

Мухбиримиз үмидвар
2016-03-06
Share


Америка вә җәнубий корийә бирликтә 7 - марттин 30 - апрелғичә кәң көләмдә бирләшмә һәрбий маневир өткүзмәкчи болуп, бирләшмә агентлиқиниң хәвәр қилишичә, бу қетимлиқ бирләшмә маневирға 15миң нәпәр америка һәрбий хадими вә 300 миң нәпәр җәнубий корийә һәрбий хадими қатнишидикән.

Америка, күрәшчи айропиланлар әтрити, деңиз армийәсиниң қуруқлуқта җәң қилғучи қисимлири, авиатматка, су асти парохоти қатарлиқларни һәрбий маневирға қатнаштуридикән.

Б б с агентлиқиниң хәвәр қилишичә, җәнубий корийә мудапиә министири хан минко бу маневирниң һәҗми өткән йилидикидин икки һәссә зор һесаблинидиғанлиқини билдүргән.

Мәлум болушичә, корийә йерим арили райониниң бихәтәрликни мәсилиси бу йил 1 - айдин башлап җиддийләшкән болуп, шималий корийәниң хәлқара җәмийәтниң агаһландурушлириға қаримастин водрот бомбиси синақ қилиши вә узун мусапилиқ ракета қоюп бериши хәлқара җәмийәтниң наразилиқини қозғиған вә район вәзийитини җиддийләштүргән иди.

3 - Айниң 2 - күни бирләшкән дөләтләр тәшкилати бихәтәрлик кеңиши шималий корийәниң ядро пилани вә башқурулидиған бомба пиланлириға қарита бир қатар имбарголарни йүргүзүшни қара қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт