Amérika jenubiy koréye bilen ötküzüwatqan yilliq herbiy manéwirni eslige keltürgenlikini bildürdi

17 - Awghust bashlan'ghan manéwirgha her ikki tereptin minglighan eser qatnashturulghan. Halbuki manéwir shimaliy we jenubiy koréye terep bir birini topqa tutushqandin kéyin waqitliq toxtitip qoyulghan.

Bu heqte toxtalghan amérikining mu'awin dölet mudapi'e ministiri dawid shyér mundaq dédi: seyshenbe küni amérika da'iriliri jenubiy kériyening top étishigha maslishish üchün manéwirni waqitliq toxtitip qoyghan idi. Bu manéwir pilan qilin'ghan boyiche eslige keltürüldi.

Jenubiy koréye da'irilirining bildürüshiche, shimaliy koréye jenubiy koréyege qaritip 4 pay top oqi atqan, jenub terep buninggha jawaben shimalgha qaritip 29 pay top atqan.

Shyér ependi bu heqte toxtilip shimaliy koréyeni 1953 - yilidiki tinchliq shertnamisige xilapliq qilish bilen eyiblidi we buninggha yéqindin diqqet qiliwatqanliqini bildürdi.

Jenubiy koréyede amérikining 28 ming kishilik déngiz armiye piyadiliri orunlashturulghan. Amérika her yili shimaliy koréyening qarshiliqi we tehditige pisent qilmay jenubiy koréye bilen birliship yilliq herbiy manéwirni izchi ötküzüp kéliwatidu.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar