Генерал данфорд:«америкиниң күчи асия-тинч окян районида аҗизлиғини йоқ!»

Мухбиримиз әзиз
2018-02-06
Share

Йеқинда америкиниң асия-тинч окян районидики тәсир күчиниң аҗизлайдиғанлиқи һәққидики гәп-сөзләр тарқалғандин кейин 6-феврал күни америка деңиз армийәсиниң генерали җосеф данфорд буниңға қаттиқ рәддийә бәрди.

Фирансийә бирләшмә агентлиқиниң 6-февралдики хәвиридә ейтилишичә генерал данфорд бу һәқтә сөз қилип, «шүбһисизки бәзиләр ғәрәзлик һалда америкиниң асия-тинч окян районидики күчи аҗизлаватиду, дәп питнә-пасат тарқатмақта» дегән. Гәрчә у биваситә намини атимиған болсиму, хәвәрдә бу гәпниң хитайға қаритиливатқанлиқи тилға елиниду.

Генерал дунфорд йеқинда америкиниң тинч окяндики қисимлирини көздин кәчүрүш үчүн бир һәптилик зиярәт болуватқан болуп, униң тинч окяндики зиярити америкиниң дөләт мудапиә министири җим маттис, дөләт ишлири катипи рекс тиллерсон вә америка президенти доналд трамп қатарлиқларниң тинч окян зияритидин кейин мәлум болған йәнә бир юқири дәриҗилик зиярәт һесаблинидикән.

Хәвәрдә көрситилишичә, бу зиярәтләрниң һәммиси хитайниң баш көтүрүши билән америкиниң бу райондики мәвҗутлуқиниң аҗизлап қалмайдиғанлиқини намаян қилиш үчүн икән. Чүнки асия-тинч окян райони иккинчи дуня уруши мәзгилидин тартипла америкиниң район бихәтәрлики үчүн муһим болуп кәлмәктә икән.

Мәлум болушичә, йеқинда бәш бурҗәклик бина йеңи дөләт бихәтәрлик истратегийәсини елан қилған һәмдә хитайни «истратегийәлик риқабәтчи» дәп бекиткән иди. Шуниң билән биргә хитайниң өз әтрапидики қошна мәмликәтләрни бозәк қиливатқанлиқини тәкитлигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.