Amérika armiyesi hindistan armiyesi bilen birlikte xitay chégrasigha yéqin égizlikte birleshme herbiy manéwir ötküzidiken

Muxbirimiz jewlan
2022.08.08
Share on WhatsApp
Share on WhatsApp

CNN Torining xewer qilishiche, amérika armiyesi hindistan bilen xitay otturisida talash-tartishta qalghan jaygha 100 kilométirghimu kelmeydighan yerde hindistan armiyesi bilen bille herbiy manéwir ötküzidiken.

Hindistan herbiy terepning bildürüshiche, bu manéwir 10-ayning otturisida ötküzülidighan bolup, eskerler yuqiri égizlikte jeng qilish meshiqi élip baridiken. Manéwir ötküzülidighan jay hindistanning awli igizliki bolup, hindistan bilen xitay da'im mushu jayni taliship chégra toqunushi peyda qilip kelmektiken.

2020-Yil 6-ayda hindistan bilen xitay chégra mudapiye eskerliri himalaya téghidiki chégra boyida toqunushup, 20 hindistan eskiri, 4 xitay eskiri (xitayning melumati) ölgendin buyan, hindistan bilen xitayning munasiwiti izchil jiddiy bolup kelgen. Her ikki dölet bu chégragha herbiy küchini toplawatqan bolup, urush piltisige ot yéqilish éhtimali her zaman mewjut iken.

Xitay hökümiti yene xitay-hindistan chégrasi boyigha jaylashqan pen'gongsu kölige köwrük séliwalghan bolup, amérika armiyesi tinch okyan qismining qomandani charlis flin (Charles Flynn): “Xitayning bu chégra boylirida toplawatqan herbiy küchi we esliheliri kishini chöchütidu,” dégen.

Hindistan amérikaning hindu-tinch okyan rayonida qurghan “4 Dölet ittipaqi” ning muhim ezasi bolup, amérika dölet mudapiye minisitirlikining bayanatchisi bu qétimliq birleshme manéwir heqqide toxtilip: “Erkin we échiwétilgen hindu-tinch okyan rayoni berpa qilish bizning nishanimiz,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.