Amérikidiki bir zhurnal xitayning Uyghur rayonidiki "Yépiq terbiyilesh lagérliri" ni tenqid qildi

Muxbirimiz erkin
2018-03-30
Élxet
Pikir
Share
Print

Amérikidiki bir tor zhurnili peyshenbe küni maqale élan qilip, xitayning on minglighan Uyghurni "Yépiq terbiyilesh lagérliri" a yighiwalghanliqi, Uyghurlarning eng qattiq derijidiki basturushqa uchrawatqanliqini bildürdi.

"Dunya tor zhurnili" da élan qilin'ghan "Xitayning qayta terbiyilesh lagérliri" serlewhilik maqalide yene "Xitay da'iriliri Uyghur bölgünchilirini térrorluq hujum élip bardi, dep eyiplisimu, lékin nurghun kishiler béyjingning Uyghur tehditini köptürüp, uni özining bu rayondiki basturushigha bahane qilip körsetmekte," dep qaraydighanliqini bildürgen.

Maqalide radi'oyimizning xewirini neqil keltürüp, qeshqer wilayitining özide 120 ming Uyghurning "Terbiyilesh lagérliri" da tutup turuluwatqanliqi, da'irilerning lagérdiki tutqunlarni "Wetenperwerlik naxshiliri" ni éytishqa mejburlap, teshwiqatqa boghuwatqanliqi, "Shi jinpingning idiyisi" ni öginishni telep qiliwatqanliqini tekitligen.

Maqalide yene béyjing bu lagérlarning mewjutluqini ashkara élan qilmighan bolsimu, lékin uningda bir milyondek Uyghurning tutup turuluwatqanliqining perez qiliniwatqanliqi bildürülgen. Maqalide hökümet binaliri, mekteplerning "Terbiyilesh lagérliri" gha özgertilgenliki, da'irilerning tutqunlarni bu lagérlargha ewetip tursimu, lékin ularning a'ililirige uqturush qilmaydighanliqi, bezi lagérlarda tutqunlarning yanchilap uxlaydighanliqi, bezi tutqunlarning qattiq soghuqlardimu ayaqsiz solan'ghanliqi ilgiri sürülgen. Maqalide yene "Kishilik hoquq közitish teshkilati" ning bayanati neqil keltürülüp, "Xitay, Uyghur xelqining tenqidi pikirlerni qilishi, özining milliy, diniy kimlikini tinch we qorqmay ipadilishige yol qoyushi kérek," déyilgen.

Toluq bet