Америкиниң тексас штати билән канаданиң күбек шәһиридә мәсчиткә һуҗум қилиш вәқәлири йүз бәргән

Мухбиримиз қутлан
2017-01-30
Елхәт
Пикир
Share
Принт

Доналд трамп америкиниң 45-нөвәтлик президенти болуш сүпити билән ақсарайға киргән биринчи һәптисидила 7 мусулман дөлити пуқралириниң мәйли виза яки йешил карт билән америкиға киришини чәклиши пүтүн дуняда күчлүк инкас пәйда қилди.

«Нйо-йорк вақти гезити» ниң хәвәр қилишичә, президент трамп мәзкур буйруққа имза қоюп бирқанчә саәт өтмәйла тексас штатидики викторийә ислам мәркизи һуҗумға учриған. Игилинишичә, шәнбә кечиси саәт 2:00 дә мәзкур мәркәз намәлум кишиләр тәрипидин от қоюлуп көйдүрүветилгән.

Доналд трампниң 7 мусулман дөлитидики көчмәнләрни чәкләш һәққидики имзалиқ буйруқи елан қилиниши билән канада баш министири җустин трудейо иҗтимаий таратқуларда баянат берип, канаданиң мусулман көчмәнләрни қарши алидиғанлиқини билдүргән.

Әпсуски, 29-январ кәчқурун канаданиң күбек шәһиридики ислам мәдәнийәт мәркизи салаһийити намәлум ниқаблиқ икки террорчиниң қораллиқ һуҗумиға учриған. Игилинишичә, һуҗум җәрянида мәсчиттә намаз оқуватқан 6 киши нәқ мәйданда етип өлтүрүлгән, оннәччә киши еғир яриланған.

Канада баш министири җустин трудейо дәрһал баянат елан қилип, мусулман җамаитиниң канаданиң интайин муһим бир қисми икәнликини, күбек шәһиридики мәсчиткә һуҗум қилип, мусулман намазханлирини өлтүргән террорчиларни қаттиқ әйибләйдиғанлиқини билдүргән.

Пикирләр (0)
Share
Толуқ бәт