Amérikining téksas shtati bilen kanadaning kübék shehiride meschitke hujum qilish weqeliri yüz bergen

Muxbirimiz qutlan
2017-01-30
Élxet
Pikir
Share
Print

Donald tramp amérikining 45-nöwetlik prézidénti bolush süpiti bilen aqsaraygha kirgen birinchi heptisidila 7 musulman döliti puqralirining meyli wiza yaki yéshil kart bilen amérikigha kirishini cheklishi pütün dunyada küchlük inkas peyda qildi.

"Nyo-york waqti géziti" ning xewer qilishiche, prézidént tramp mezkur buyruqqa imza qoyup birqanche sa'et ötmeyla téksas shtatidiki wiktoriye islam merkizi hujumgha uchrighan. Igilinishiche, shenbe kéchisi sa'et 2:00 de mezkur merkez namelum kishiler teripidin ot qoyulup köydürüwétilgen.

Donald trampning 7 musulman dölitidiki köchmenlerni cheklesh heqqidiki imzaliq buyruqi élan qilinishi bilen kanada bash ministiri justin trudéyo ijtima'iy taratqularda bayanat bérip, kanadaning musulman köchmenlerni qarshi alidighanliqini bildürgen.

Epsuski, 29-yanwar kechqurun kanadaning kübék shehiridiki islam medeniyet merkizi salahiyiti namelum niqabliq ikki térrorchining qoralliq hujumigha uchrighan. Igilinishiche, hujum jeryanida meschitte namaz oquwatqan 6 kishi neq meydanda étip öltürülgen, onnechche kishi éghir yarilan'ghan.

Kanada bash ministiri justin trudéyo derhal bayanat élan qilip, musulman jama'itining kanadaning intayin muhim bir qismi ikenlikini, kübék shehiridiki meschitke hujum qilip, musulman namazxanlirini öltürgen térrorchilarni qattiq eyibleydighanliqini bildürgen.

Toluq bet