Amérika pelestinni qayta qurush üchün 212 milyon dollar ajritidu

Muxbirimiz ümidwar
2014-10-12
Share


Amérika dölet ishliri ministiri jon kerri amérikining ghezzening qayta qurulushi üchün 212 milyon dollar ajritidighanliqini bildürgen. Jon kerri bu sözini qahirede ötküzülgen ghezzeni qayta qurush ishlirigha a'it yighinda éytqan.

B b s ning xewer qilishiche pelestin hökümiti ghezzeni qayta qurush üchün 4 milyard dollar kétidighanliqini élan qilghan bolup, 8 - ayning 26 - küni urush toxtighiche bolghan ariliqta 2100 pelestinlik, 66 isra'iliye eskiri we 7 puqra ölgen, 100 mingdin artuq pelestinlik oy - makansiz qalghan. Köpligen asasiy qurulush esliheliri weyran bolghan.

Amérika awazining yézishiche, jon kerri sözide pelestinliklerning yardemge muhtajliqi, amérikining pelestinliklerge 118 milyon dollar qimmitide insanperwerlik yardimi ajritip bolghanliqini eskertken.

Bu yighin'gha b d t bash sékritari ban kimon, amérika dölet ishliri ministiri jon kerri we misir prézidénti abdul fettax sisi, pelestin milli hökümet rehbiri maxmud abbas shundaqla ereb we yawropa döletlirining onlighan tashqi ishlar ministirliri ishtirak qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet