Xitay we rusiye amérika jenubiy koréyege orunlashturmaqchi bolghan bomba qalqan sistémisigha étiraz bildürgen

Muxbirimiz jüme
2016-03-12
Share

Xitay we rusiye amérika jenubiy koréyege orunlashturushini pilan qiliwatqan ilghar tiptiki bashqurulidighan bomba qalqan sistémisigha étiraz bildürgen.

Washin'gton waqit gézitining xewer qilishiche, naraziliqni yuqiriqi ikki döletning tashqi ishlar ministiri otturigha qoyghan.

Shimaliy koréye ötken yekshenbe küni bir uzaq musapilik rakétani sinaq qilghandin kéyin, amérika we jenubiy koréye da'iriliri jenubiy koréyege eng ilghar bashqurulidighan bomba qalqan sistémisi - yuqiri boshluq hawa mudapi'esi términalini ( THAAD) ornitish pilanini ashkarilighan.

Jüme küni xitay tashqi ishlar ministiri wang yi béyjingda ziyarette bolghan rusiye tashqi ishlar ministiri sérgéy lawrow bilen körüshkendin kéyin chaqirilghan axbarat élan qilish yighinda: "Jenubiy koréyege bu xil bashqurulidighan bomba qalqan sistémisi orunlashturush, xitay we rusiyening istratégiyelik xewpsizlik menpe'itige biwasite ziyan yetküzidu" dégen.

Lawrowmu bu bashqurulidighan bomba qalqan sistémisini jenubiy koréyege orunlashturushning artuqche endishe qilishtin bashqa nerse emeslikini bildürgen.

Xitay - rusiye tashqi ishlar ministirliri jüme küni béyjingda koréye yérim ariliri weziyiti üstide söhbet ötküzgen idi.

Amérika shimaliy koréyening tehditidin saqlinish üchün jenubiy koréyege yötkimekchi bolghan mezkur qalqan sistémisi, qarshi terep atqan her qandaq bashqurulidighan bombini yüz pirsent pachaqlash iqtidarigha ige iken.

Amérikining yuqiriqi pilani féwralda ashkarilan'ghandin kéyin, xitay tashqi ishla ministiri wang yi buning xitaygha qarishi ishlitilishimu mumkinlikini körsitip naraziliq bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet