Qirghizistandiki amérika elchixanisi térrorluq hujum yüz bérishi mumkinlikini agahlandurdi

Muxbirimiz erkin
2016.10.10

Amérika bilen en'gliyening qirghizistan paytexti bishkektiki elchixanisi shenbe küni bayanat élan qilip, qirghizistanda térrorluq hujum yüz bérishi mumkinlikini agahlandurdi. Amérika elchixanisining bayanatida, “Qirghizistanda belki mushu 10‏-ay ichide térrorluq hujum yüz bérip, hökümet emeldarlirini we chet'el diplomatlirini görüge tutush, renige élishni nishan qilishi mumkin” déyilgen.

Emma elchixana, bu uchurgha qandaq érishkenliki, térrorluq hujumni kimlerning élip bérishi mumkinlikini tilgha almighan. Elchixana bayanatida yene, “Qirghizistandiki amérika puqralirini we menpe'etini nishan qilghan konkrét bir tehdit yoq bolsimu, emma elchixanimiz shu munasiwet bilen bilen qirghizistanda yashaydighan we sayahet qiliwatqan amérika puqralirini agahlanduridu” dep körsetken.

En'gliye elchixanisi bolsa osh, jalal'abad, batikent rayonlirini ziyaret qilidighan en'gliye puqralirini alahide diqqet qilishqa chaqirghan. Bu yil 30‏-awghust xitayning bishkektiki elchixana qorusi aptomobil bomba hujumigha uchrap, weqede hujumchi ölgen, az dégende 3 adem yarilan'ghan. Bu weqe xitay elchixanisi uchrighan tunji adem bomba hujumi idi.

Qirghizistan amanliq da'iriliri hujumchining tajikistan pasportluq bir Uyghur ikenlikini, uning süriyediki sherqiy türkistan qoralliq ghazatchi guruhlar bilen alaqisi barliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.