Amérika qoralliq qisimlar mulazimet komitéti ezaliri Uyghurlargha qiliniwatqan zulumni "Irqiy qirghinchiliq" dep élan qilishni telep qildi

Muxbirimiz irade
2021-01-14
Share

Amérika dölet mejlisi qarmiqidiki "Qoralliq qisimlar mulazimet komitéti" ning jumhuriyetchiler partiyesidin bolghan ezalirining amérika tashqiy ishlar ministirliqidin xitayning Uyghur élidiki zulumini "Irqiy qirghinchiliq" dep resmiy békitishini telep qiliwatqanliqi melum boldi.

Amérikadiki "Washin'gton erkinlik körsetküchisi" géziti yuqiriqi komitét ezalirining tashqiy ishlar minsitirliqigha bu heqte yollighan telepnamisini körgen bolup, komitit ezaliri charshenbe küni yollighan telepnamisida mundaq dégen:

"Xitay kommunistik partiyesi shinjangdiki Uyghur musulmanlirigha qarshi zorawanliq, qiynash, tutup turush, mejburiy tughmas qilish we qul qilish qatarliq sistémiliq we keng kölemlik heriketlerni yürgüzüwatidu. Uning herikiti bu xelqni tüptin yaki qismen yoqitish muddi'asini ekis ettüridu."

"Washin'gton erkinlik körsetküchisi" ning éytishiche, awam palata ezasi jim bankis we jow wilson "Barghanséri köpiyiwatqan delil-ispatlar xitay hökümitining Uyghur musulmanlirini jaza lagérlirigha solash we ularni qul emgekchilerge aylandurush arqiliq irqiy qirghinchiliq qiliwatqanliqini körsitip béridu," dégen.

Awam palatasining jumhuriyetchi ezaliri bankis we wilson yene amérika tashqiy ishlar ministirliqining rayonda yüz bériwatqanlarni irqiy qirghinchiliq, dep belgilishi üchün yéterlik delil-ispat bar, dep qaraydighanliqini eskertip: "Xitay hökümiti Uyghur xelqini qesten öltürüsh, qiyin-qistaqqa élish, qolgha élish qatarliqlar arqiliq Uyghurlarni tüptin we qismen weyran qilidighan shara'itni yaratti," dégen.

Melum bolushiche, amérika tashqiy ishlar ministirliqi nöwette Uyghurlargha qaritilghan bu ziyankeshlikning xaraktérini resmiy yosunda békitip chiqish üchün xizmet qiliwatqan bolup, ulargha bu heqte qiliniwatqan chaqiriqlarmu künsayin köpeymekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet