Amérika NPR radiyosining A1 programmisida Uyghurlar mesilisi muhakime qilindi

Muxribrimiz irade
2019-12-26
Share

Amérikadiki nopuzluq taratqulardin NPR radiyosi yeni amérika döletlik ammiwiy radiyosining 23- dékabirdiki "1A" radiyo programmisida Uyghur mesilisi yene bir qétim tonushturuldi.

Bu programmigha "Nyu-york waqti géziti" ning xongkongda turushluq muxbiri astin remziy, amérikadiki "Sherqiy türkistan milliy oyghinish herikiti" ning qurghuchisi salih xudayar we shundaqla Uyghur kishilik hoquq qurulushining tashqiy munasiwetler mudiri lu'isa giriw qatarliqlar teklip qilin'ghan.

Programma riyasetchisi aldi bilen xitay hökümitining Uyghur élidiki "Qayta terbiye" lagérlirini dunyagha "Mektep" dep tonushturuwatqan bolsimu, emma hazirghiche ashkariliniwatqan pakitlarda bu orunlarda qéyin - qistaq, ölüm we bashqa zulum wastiliri barliqining melum bolghanliqini bayan qilidu.

Andin riyasetchi salih xudayarni radiyo anglighuchilargha yéngidin teshkillen'gen "Sherqiy türkistan sürgün hökümiti" bash ministiri we shuning bilen bir waqitta "Sherqiy türkistan milliy oyghinish herikiti" ning qurghuchisi, dep tonushturidu. Riyasetchi yene chet'ellerdiki musteqilliq pa'aliyetchilirining xitaydiki "Shinjang" rayonini "Sherqiy türkistan" dep ataydighanliqinimu tekitlep ötidu.

Mezkur programmida sözge teklip qilin'ghan yuqiriqi kishiler xitay hökümitining 1949- yilidin béri Uyghur élida yürgüzüp kelgen siyasetliri, hazirqi lagér tüzümi, xitayning bu zalim siyastini yoshurush üchün chet'ellerde élip barghan teshwiqat heriketliri hem shundaqla yéqinda ashkarilan'ghan xitayning  mexpi höjjetliri qatarliq noqtilardin turup sherhilidi.

Programma riyasetchisi yene bu programmigha xitayning amérikadiki bash elchisi teklip qilin'ghan bolsimu, biraq ulardin bir jawap kelmigenlikini eskertip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet