Amérika rusiyening 60 neper diplomatini chégridin qoghlap chiqardi

Muxbirimiz erkin
2018-03-26
Share

 

Amérika prézdénti tramp düshenbe küni rusiyening amérikida turushluq 60 neper diplomatini chégridin qoghlap chiqirishqa buyruq chüshürdi. Prézdént tramp en'giliyede panahliniwatqan bir sabiq rusiye jasusini zeherlesh weqeside rusiyening qoli barliqigha da'ir küchlik gumanlar seweblik bu qararni alghan.
B b s ning xewer qilishiche, amérika bilen teng gérmaniye, fransiye, ukra'ina qatarliq yawropadiki 14 döletmu rusiye diplomatlirini qoghdap chiqiridighanliqini bildürgen. Yawropa ittipaqining rehberliri ötken hepte en'giliyede panahliniwatqan sabiq rusiye jasusi sérgéy skiripal we uning qizini zeherlesh weqesini rusiyening keltürüp chiqarghanliqida ortaq pikir hasil qilghan idi. Amérika dölet ishliri ministirliqi düshenbe küni bayanat élan qilip, " 4‏-Mart küni salisburida rusiye herbi ishlarda qollinidighan nerwi wirosini ishlitip, bir en'giliye puqrasi we uning qizini öltürüshke urundi," dep körsetken. Bayanatta yene "Bu hujum bizning ittipaqdishimiz en'giliyede sansizlighan bigunah kishilerning hayatigha xewp yetküzdi," diyilgen. 4‏-Mart en'gliyening salisburiy bazirida yüz bergen bu weqede sérgéy skripal, uning qizi we bir neper saqchi éghir zexmilen'gen idi.
Amérika dölet ishliri ministirliqining bayanatida bu hujumning "Ximiyelik qorallarni cheklesh ehdinamisi we xelq'ara qanun'gha qilin'ghan qorqunchluq buzghunchiliq," ikenliki tekitlendi. Lékin rusiye özining bu weqede qoli barliqini izchil ret qilip kelmekte. Düshenbe küni rusiye prézdéntining bayanatchisi dimitri péskof, her qaysiy döletler bilen bolghan munasiwetlirini közdin kechüridighanliqi we ehwalgha qarap qedem basidighanliqini bildürgen.

Amérika rusiyening 60 neper diplomatini chégridin qoghlap chiqardi
Amérika prézdénti tramp düshenbe küni rusiyening amérikida turushluq 60 neper diplomatini chégridin qoghlap chiqirishqa buyruq chüshürdi. Prézdént tramp en'giliyede panahliniwatqan bir sabiq rusiye jasusini zeherlesh weqeside rusiyening qoli barliqigha da'ir küchlik gumanlar seweblik bu qararni alghan. B b s ning xewer qilishiche, amérika bilen teng gérmaniye, fransiye, ukra'ina qatarliq yawropadiki 14 döletmu rusiye diplomatlirini qoghdap chiqiridighanliqini bildürgen. Yawropa ittipaqining rehberliri ötken hepte en'giliyede panahliniwatqan sabiq rusiye jasusi sérgéy skiripal we uning qizini zeherlesh weqesini rusiyening keltürüp chiqarghanliqida ortaq pikir hasil qilghan idi. Amérika dölet ishliri ministirliqi düshenbe küni bayanat élan qilip, " 4‏-Mart küni salisburida rusiye herbi ishlarda qollinidighan nerwi wirosini ishlitip, bir en'giliye puqrasi we uning qizini öltürüshke urundi," dep körsetken. Bayanatta yene "Bu hujum bizning ittipaqdishimiz en'giliyede sansizlighan bigunah kishilerning hayatigha xewp yetküzdi," diyilgen. 4‏-Mart en'gliyening salisburiy bazirida yüz bergen bu weqede sérgéy skripal, uning qizi we bir neper saqchi éghir zexmilen'gen idi. Amérika dölet ishliri ministirliqining bayanatida bu hujumning "Ximiyelik qorallarni cheklesh ehdinamisi we xelq'ara qanun'gha qilin'ghan qorqunchluq buzghunchiliq," ikenliki tekitlendi. Lékin rusiye özining bu weqede qoli barliqini izchil ret qilip kelmekte. Düshenbe küni rusiye prézdéntining bayanatchisi dimitri péskof, her qaysiy döletler bilen bolghan munasiwetlirini közdin kechüridighanliqi we ehwalgha qarap qedem basidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet