Америка сенатори путинни "русийә империйисини қайта қурмақчи" дәп тәнқид қилди

Мухбиримиз үмидвар
2015-03-10
Share

Америка сенаторлиридин крис мерфий вә җон маккейин сөз қилип, украинаға һәрбий вә иқтисадий җәһәттин ярдәм көрситишни тәкитлиди. Америка авазиниң хәвәр қилишичә, мәзкур икки сенатор йәнә, русийә президенти владимир путинниң украинаға қаратқан қилмишлирини тәнқид қилди.

Җумһурийәтчиләрдин келип чиққан америка кеңәш палата әзаси җон маккейин баянатида "украинада болуватқан вәзийәтни чүшиниш үчүн владимир путинни чүшиниш керәк," дәп көрсәткән һәм униң русийә империйисини қайта қурмақчи икәнликини билдүргән.

Русийә қиримни қошувалғандин кейин, шәрқий украинадики русийәпәрәс күчләрниң һәрбий һәрикәтлири күчәйгән болуп, америка башлиқ ғәрб изчил түрдә русийәниң русийәпәрәс күчләргә һәрбий хадим вә қорал-ярақ җәһәттин ярдәм бәргәнликини әйиблигән иди.

Минск келишими бойичә, русийәпәрәс күчләр еғир қоралларни уруш линийисидин йөткигәнлики билдүрүлсиму, әмма русийәниң украинаға қарита тәһдити йәнила мәвҗут иди. Америка қатарлиқ нато дөләтлири литвада һәрбий маневир өткүзүш үчүн бир қисим танка қатарлиқ қоралларни йөткигәндин кейин, 10-март күни русийә ташқи ишлар министири лавроф наразилиқ билдүрүп, русийәниң натониң бу һәрикитини "җавабсиз қалдурмайдиғанлиқи"ни илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт