Amérika sénatori putinni "Rusiye impériyisini qayta qurmaqchi" dep tenqid qildi

Muxbirimiz ümidwar
2015-03-10
Share

Amérika sénatorliridin kris mérfiy we jon makkéyin söz qilip, ukra'inagha herbiy we iqtisadiy jehettin yardem körsitishni tekitlidi. Amérika awazining xewer qilishiche, mezkur ikki sénator yene, rusiye prézidénti wladimir putinning ukra'inagha qaratqan qilmishlirini tenqid qildi.

Jumhuriyetchilerdin kélip chiqqan amérika kéngesh palata ezasi jon makkéyin bayanatida "Ukra'inada boluwatqan weziyetni chüshinish üchün wladimir putinni chüshinish kérek," dep körsetken hem uning rusiye impériyisini qayta qurmaqchi ikenlikini bildürgen.

Rusiye qirimni qoshuwalghandin kéyin, sherqiy ukra'inadiki rusiyeperes küchlerning herbiy heriketliri kücheygen bolup, amérika bashliq gherb izchil türde rusiyening rusiyeperes küchlerge herbiy xadim we qoral-yaraq jehettin yardem bergenlikini eyibligen idi.

Minsk kélishimi boyiche, rusiyeperes küchler éghir qorallarni urush liniyisidin yötkigenliki bildürülsimu, emma rusiyening ukra'inagha qarita tehditi yenila mewjut idi. Amérika qatarliq nato döletliri litwada herbiy manéwir ötküzüsh üchün bir qisim tanka qatarliq qorallarni yötkigendin kéyin, 10-mart küni rusiye tashqi ishlar ministiri lawrof naraziliq bildürüp, rusiyening natoning bu herikitini "Jawabsiz qaldurmaydighanliqi"ni ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet