Amérika-rusiye munasiwetlirining özgirishi xitayni bi'aram qildi

Muxbirimiz erkin
2018-07-17
Share

Amérika prézidénti donald tramp bilen rusiye prézidénti wladimir putin düshenbe küni finlandiye paytexti hélsinkida uchriship, ikki terep munasiwitini özgertishke kélishkenlikini élan qildi.

Prézidént tramp putin bilen ötküzgen axbarat yighinida, amérika-rusiye munasiwetlirining héchqachan hazirqidek nacharliship baqmighanliqi, her ikki terepning xataliq ötküzgenliki, biraq bu ehwalning hazir özgergenlikini jakarlidi.

Xelq'ara analizchilarning ilgiri sürüshiche, rusiye-amérika munasiwetliridiki özgirish rusiye-xitay munasiwetlirini tewritip qoyidiken. Düshenbe küni amérikidiki "Konsériwatip amérika" torida élan qilin'ghan bir maqalida, amérika bilen rusiyening xitaygha qarshi ittipaqlishiwatqanliqi ilgiri sürüldi.

Amérikidiki aqillar ambiri - "Dölet menpe'eti merkizi" mudapi'e programmisining diréktori xariy kazi'anis qelemge alghan maqalida, amérika bilen rusiyening xitaygha qarshi ittipaqlishishigha yéterlik seweblerning barliqi eskertilip, "Rusiye bilen amérika bir-biri bilen düshmenliship méngiwerse, xitay iqtisadining bir küni amérika bilen rusiyening yighindisidin éship kétidighanliqi, iqtisadi küch herbiy küchke aylansa qandaq ishlarning yüz béridighanliqi hemmige melum ikenlikini tekitligen.

Közetküchilerning bildürüshiche, amérika-rusiye munasiwitining özgirishi we bu heqtiki analizlar xitayni bi'aram qilishqa bashlighan. Xitay tashqi ishla ministirliqi bayanatchisi xwa chünying seyshenbe küni buninggha inkas bildürüp, xitayning "Xitay-rusiye istratégiyelik shériklik munasiwitige bolghan ishenchi kamil.

Xitay-rusiye munasiwetliri herqandaq tashqi amilning tesirige uchrimaydu" dégen. Lékin xariy kazi'anisning ilgiri sürüshiche, hazir rusiye xitay bilen dostek qilsimu, lékin kelgüside u xitayning bir yol bir belwagh pilani, qoral-yaraq riqabiti we zémin mesililiride jiddiy xirisigha duch kélidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet