Amérika - rusiye süriye mesiliside pikir birliki hasil qildi

Muxbirimiz jüme
2013.09.14
Share on WhatsApp
Share on WhatsApp

Jenwede söhbet ötküzüwatqan amérika we rusiye da'iriliri süriye mesiliside pikir birliki hasil qildi.

Amérika dölet ishlar ministiri jon keriy we rusiye tashqi ishlar ministiri sérgy lawrowlar shenbe küni élan qilghan birleshme bayanatida süriyediki barliq ximiyilik qorallarni köydürüshke alaqidar bir kélishim ramkisi hasil qilghan.

Buningda eger süriye hökümiti mezkur kélishimge xapiliq qilsa b d t xewpsizlik kéngishi cheklesh qari chiqirish hetta herbiy mudaxile qilish charisini ishqa sélish qatarliqlar körsitilgen.

Axbarat élan qilish yighinida jon keriy, b d t qoral tekshürgüchi xadimlirining süriyege bu yil noyabirghiche bérip bolidighanliqi, süriyediki ximiyilik qorallarni yötkesh we köydürüsh xizmitining 2014 - yilinining otturisighiche tamamlinip bolidighanliqini bildürdi.

Beshr el esed hökümitining awam - puqragha ximiyilik qoral bilen hujum qilghanliqi ashkarilan'ghandin kéyin, amérika esed hökümitige jaza xaraktérlik herbiy hujum qozghaydighanliqini bildürgen idi.

Shundin kéyin rosiye da'iriliri bu ishqa ariliship, sülhi tüzüshke tirishqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.