Америка җумһурийәтчиләр партийисиниң президент намзатлири очуқ муназирә қилди

Мухбиримиз ирадә
2015-09-17
Share

16-Сентәбир күни ахшам америка җумһурийәтчиләр партийисиниң 13 нәпәр президент намзати очуқ муназиригә қатнишип, америкиниң ички вә ташқи мәсилилиригә болған көз қарашлири, сиясий позитсийиси вә пиланлири үстидә муназириләшти.

Мәзкур риқабәт с н н қанили арқилиқ нәқ мәйдандин тарқитилди. Бу намзатларниң иккинчи қетим очуқ муназиригә қатнишиши болуп һесаблиниду. Җумһурийәтчи партийә намзатлири арисида һазир әң алдида кетиватқини америкидики әң чоң милярдарларниң бири, өй-мүлк зәрдари доналд трумп болуп, у ахшамқи муназиридиму йәнә алаһидә көзгә көрүнгән исим болди.

Мәлум болушичә, америка демократлар партийисиниң тунҗи нөвәтлик очуқ муназириси 13-өктәбир күни лас вигас шәһиридә өткүзүлидикән. Демократ намзатлар ичидә америкиниң сабиқ дөләт ишлири министири һилларий килинтон, америка дөләт мәҗлис әзаси берний сәндерис вә марйланд штатиниң сабиқ штат башлиқи мартен омеллийләр орун алиду.

Бу намзатлар нөвәттә 2016-йилидики президентлиқ сайлимида хәлқниң аваз беришигә қоюлидиған әң ахирқи икки нәпәр намзатлиқ салаһийитигә еришиш үчүн паалийәтлирини давам қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт