Bu nöwetlik saylamda jumhuriyetchiler partiyesi her ikki palatada köp sanliq orun'gha ötti

Muxbirimiz jüme
2014-11-05
Share

4-Noyabir amérikida ötküzülgen bu nöwetlik palata saylimida jumhuriyetchiler partiyesi awam paltisini toluq kontrol qilghandin bashqa, kéngesh palatasida köp sanliq orun'gha ötti.

Jumhuriyetchiler ötken bir nechche yildin buyan awam paltisini yuqiri awaz bilen kontrol qilip kéliwatqan bolsimu, kéngesh palatasi démokratlarning qolida idi. Halbuki bu qétimqi saylamda démokratlar kéngesh palatasinimu jumhuriyetlerge tartquzup qoydi.

Nöwettiki saylam netijisige qarighanda, jumhuriyetchiler kéngesh palatasidiki 100 orunning 52 sini igiligen, démokratlar bolsa 44 orun'gha érishken.

Awam palatasidiki 435 orunning 243 ini jumhuriyetchiler 178 ini démokratlar igiligen.

Bu nöwetlik mejlis 2015-yili 1-aydin bashlap resmiy ishqa kirishidu. Shundaq bolghanda, kéngesh palatasining nöwettiki az sanliqlar re'isi mich mikonél 1-aydin bashlap köp sanliqlar re'isige aylinidu.

Amérika dölet mejlisidiki her ikkila palataning jumhuriyetchilerning kontrolluqida bolushi, démokratlar partiyisidin bolghan obama hökümitige qandaq tesirlerni élip kélidighanliqi téxi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.