Америка президент сайлимида җумһурийәтчи намзат доналд трамп ғәлибә қилди

Мухбиримиз шөһрәт һошур
2016-11-09
Елхәт
Пикир
Share
Принт

Кәскин риқабәт ичидә давам қилған америка президент сайлими бүгүн әтигән һәйран қаларлиқ нәтиҗә билән ахирлашти. Сайламда җумһурийәтчи партийә намзати доналд трамп америка қошма штатлириниң 45-нөвәтлик президенти болуп сайланди.

Сайлам алдидики рай синашларда һиларй клинтонниң сайлиниш еһтималлиқи ишарәтләнгән иди. Сайлам нәтиҗиси айдиңлашқандин кейин һиларй клинтон сайлам ғалиби доналд трампни тәбриклиди.

Сайламниң нәтиҗисиниң өзи вә тәрәпдарлири үчүн аччиқ бир нәтиҗә икәнликини тилға алған һиларй ханим, демократик сайламниң нәтиҗисигә һөрмәт қилидиғанлиқини вә доналд трампни президент сүпитидә һөрмәтләпла қалмастин,бәлки қәдирләйдиған вә қоллайдиғанлиқини билдүрди. Доналд трамп өзиниң зәпәр нутқида алди билән һиларй клинтонниң америка үчүн көрсәткән хизмәтлиригә юқири баһа вә миннәтдарлиқ билдүрди.

Нөвәттә американиң бирлик вә баравәрликкә еһтияҗи барлиқини тилға алған доналд трамп өзиниң барлиқ америкалиқлар үчүн хизмәт қилидиғанлиқи вә нәзәрдин сақит қилинғанлар болмайдиғанлиқи һәққидә вәдә бәрди. Сайлам давамида доналд трампниң сайланмаслиқи үчүн ханими бирликтә тәшвиқат һәрикити елип барған президент обама сайламдин кейин доналд трампни тәбриклиди вә уни ақсарайға дәвәт қилди.

Обама бу қетимқи сайлам нәтиҗисини америкиниң өзигә хаслиқи дәп шәрһлиди.

Пикирләр (0)
Share
Толуқ бәт