Америкиниң муавин президенти пенс шималий корейәни агаһландурған

Мухбиримиз қутлан
2017.04.17
Share on WhatsApp
Share on WhatsApp

Америкиниң муавин президенти майк пенс җәнубий корейәдики америка һәрбий базисиға йетип барғандин кейин, бүгүн шималий корейәгә қаттиқ агаһландуруш бәргән.

Ройтерз агентлиқиниң бу һәқтики хәвиригә қариғанда, пенс шималий корейәни агаһландурушта америкиниң йеқинда сүрийә билән афғанистанға қолланған һәрбий һәрикитини алаһидә тилға алған.

У мундақ дегән: “өткән икки һәптә җәрянида пүтүн дуня бизниң йеңи президентимизниң сүрийә билән афғанистанда қолланған һәрбий һәрикитиниң күчи вә үнүмини көрди. Шималий корейә америкиниң бу райондики күчлүк һәрбий күчи алдида өзини көрситишкә урунушиниң һеч бир әһмийити йоқ.”

Көзәткүчиләр, пенсниң бу агаһландуруши шималий корейәниң йеқинда пийоңяңда өткүзгән зор көләмлик һәрбий маневири билән мувәппәқийәтсиз ахирлашқан башқурулидиған бомба синиқиға қарита ейтилғанлиқини илгири сүрмәктә.

Мәлумки, йеқинқи икки һәптә ичидә америкиниң сүрийә билән афғанистанға һәрбий һәрикәт қоллиниши шундақла президент трампниң шималий корейә мәсилисини хитайни арилаштурмай турупму бир тәрәп қилалайдиғанлиқи һәққидә агаһландуруш бериши корейә йерим арилини өз ичигә алған шәрқий асия райониниң вәзийитини җиддийләштүрмәктикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт