Aqsaray shimaliy koréyege yéngi émbargo qoyghanliqini bildürdi

Muxbirimiz jüme
2015-01-03
Share


2 - Yanwar, aqsaray da'iriliri shimaliy koréyege "Sony" shirkitige qaritilghan tor hujumi seweblik yéngi iqtisadiy émbargo qoyghanliqini bildürdi.

Obama hökümitining shimaliy koréye da'irilirige qaratqan iqtisadiy cheklimisi shimaliy koréyening tor hujumi ishlirini bashquridighan herbiy axbarat bölümi, hawadin tekshürüsh idarisi qatarliq 3 organ we 10 neper hökümet xadimini öz ichige alidiken.

Bu shimaliy koréyelik xadimlarning bir qismi xitay, iran, süriye, rusiye we namibiye qatarliq ellerde xizmet qiliwatqanlar iken.

Amérikidiki "Sony" flim shirkiti yéqinda shimaliy koréye dölet re'isi kim jung unni öltürüsh bash téma qilin'ghan "Ziyaret" namliq bir komédiyilik filim ishligen.

Halbuki, mezkur filim tarqitilish aldida shirketning muhim mulazimétirliri tor hujumigha uchrighan.

Kéyin, amérika fédératsiye tekshürüsh idarisi hujumning shimaliy koréyeni menbe qilghan asasta élip bérilghanliqini jezmleshtürülgen.

Shundin kéyin amérika da'iriliri bu hujumni qilghan döletlerge qarita ünümlük tenbih charilirini ishqa salidighanliqini bildürgen idi.

Halbuki, shimaliy koréye ta hazirghiche bu hujumda qoli yoqluqida ching turup kelmekte.

Amérika da'iriliri shimaliy koréyeni 1950 - yilidin buyan iqtisadiy jehettin jazalap kéliwatqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet