Xitay shirkitining amérika shirkitidin tyen'enmén weqesi resimlirini sétiwélishi endshe qozghidi

Muxbirimiz shöhret hoshur
2016.01.27

“Tesewwur” namliq bir xitay shirkiti yéqinda bil geytisning korbis namliq resim ambiri shirkitidin 5000 dane resim sétiwalghan.

Sétiwélin'ghan resimler ichide 1989-yili béyjingda yüz bergen 4-iyun tyen'enmén weqesige a'it resilermu bar bolup, bu, kishilik hoquq pa'aliyetchilirining endishisini qozghidi. Bügün b b s gha bayanat bergen tyen'enmén oqughuchlar herikitining sabiq rehberliridin örkesh dölet bilen wang den, mezkur resimlerning sétiwélinishini “Xitay kompartiyisining axbarat cheklimisining dunyagha qarap kéngeygenlikining bir ipadisi” dédi.

Bular yene, xitay da'irilirining tyen'enmén weqesige a'it uchurlarning tarqilishini her xil yollar bilen tosuwatqanliqigha qarita endishisini bildürüsh bilen bille, tyen'enmén weqesige a'it resimlerning tarixqa we insaniyetke te'elluq ikenlikini tekitlep, mezkur xitay shirkitini resimlerning dunyada tarqilishigha tosalghuluq qilmasliqqa chaqirghan.

Amérikining s n n téliwiziyesige bu heqte pozitsiye bildürgen korbis shirkiti mezkur resimlerning xitayning tesewwur shirkitidin bashqa shirketlerningmu qolida barliqini ilgiri sürüp, mezkur sodining xitayning axbarat cheklimisige wasite bolmaydighanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.