Amérikadiki bezi uniwérsitét we pénsiye fondilirining Uyghurlarni teqibleshke qatnashqan xitay karxanilirigha meblegh salghanliqi ashkarilandi

Muxbirimiz erkin
2019-05-31
Share

Amérikadiki "Bazféd" namliq axbarat orgini tekshürüsh élip bérip, amérikadiki bezi ataqliq uniwérsitét, wexpe we pénsiye fondilirining xitayning Uyghurlarni nazaret qilishigha yardem bergen xitay karxanilirini meblegh we téxnika bilen teminligenlikini ashkarilidi. Xewerde bildürülüshiche, bir milyondin artuq Uyghur lagérlargha qamalghan Uyghur rayonida ularni nazaret qilidighan yüz tonush yumshaq détalini xongkongdiki "Sens tayim", namliq shirket bilen béyjingdiki "Megwi", namliq ikki xitay shirkiti ishlepchiqarghaniken.

Xewerde, amérikadiki bezi uniwérsitét, shexs, wexpe, pénsiye fondilirining yéqinqi 3 yil ichide yüz milyonlighan dollar meblegh salghanliqi éytilghan. Xewerde körsitilishiche, "Sens tayim" bilen "Megwi" bu mebleghni desmiy qilip, téz kéngeygen. Ular hökümet organliri we shexsiy karxanilar bilen hemkarliship, kompartiyening puqralirini kontrol qilishigha yardemleshken.

Xewerde, amérikadiki yuqiriqi ikki shirketni meblegh bilen teminligen orunlarning ichide prinston uniwérsitéti, massachusétis téxnologiye instituti, alyaska pénsiye ishlirini bashqurush fondi, rokféllér wexpi, félorida dölet xadimlirining pénsiye fondi, los anjélis nahiyelik xizmetchiler pénsiye fondi, amérikaning néwjérséy shtatidiki infina kaméra shirkiti qatarliqlarning barliqi ilgiri sürülgen.

Xewerde bayan qilinishiche, infina kaméra shirkiti "Sens taymis" bilen birliship, shinjang da'irilirining nazarey sistémisi qurushigha yardem bergen. Xewerde qeyt qilinishiche, "Sens tayim" bilen "Megwi" shirkiti "Bazféd xewerliri" ge bayanat bérip, ularning téxnikisining melum bir milletke qaritilghanliqini ret qilghan bolsimu, lékin xewerde yuqiriqi orunlarning meblighi kompartiyening az sanliq milletlerni teqib qilishini qolaylashturghanliqini ilgiri sürülgen.

Tramp hökümiti kishilik hoquq teshkilatlirining Uyghur rayonida kishilik hoquqni xorlawatqan xitay emeldarlirini we karxanilirini jazalash heqqidiki küchlük bésimigha uchrap keldi. Amérika hökümet emeldarlirining yéqinda taratqulargha ashkarilishiche, nöwette tramp hökümiti xitayning xeykang, daxu'a qatarliq 5 shirkitini jazalashni oylashmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet