Уйғурлар мәсилиси түпәйлидин америка ширкәтлиригә йеңи тәләп қоюлди

Мухбиримиз әзиз
2021-12-07
Share

Ройтерс агентлиқиниң 6-декабирдики хәвиридә ейтилишичә, америка ташқи ишлар министирлиқи америка тәвәсидики хусусийлар игидарчилиқидики барлиқ ширкәтләрниң уйғур дияри билән бағлинишлиқ һәрқандақ иқтисадий паалийәттә җәзмән алди билән мәзкур район һәққидә толуқ чүшәнчигә игә болуши лазимлиқини тәләп қилди. У бу һәқтә сөз қилип “шәхсий ширкәтләр шинҗаң һәққидики барлиқ учурлардин хәвири болмиған әһвалда у җай билән сода алақиси қилмаслиқи лазим” дегән.

Хәвәрдә ейтилишичә, шу күни өткүзүлгән мухбирларни күтүвелиш йиғинида ташқи ишлар министирлиқиниң баянатчиси нед прайис әпәнди бу мәсилини оттуриға қойған. Мәлум болушичә шу күни мухбирлар “байдин һөкүмити америка ширкәтлириниң бейҗиң қишлиқ олимпик мусабиқисини байқут қилишиға иштирак қиламду?” дәп сориғанда у мушу җавабни бәргән.

Мәлум болушичә, америка һөкүмити уйғур дияридики қирғинчилиқни дәсләп болуп етирап қилған һәмдә бу һәқтә бир қатар җаза чарилирини елан қилғандин буян бу хилдики хитай билән болидиған иқтисадий муамилә ишлириға қаритилған көплигән чәклимиләр арқиму-арқидин оттуриға чиқмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт