Uyghurlar mesilisi tüpeylidin amérika shirketlirige yéngi telep qoyuldi

Roytérs agéntliqining 6-dékabirdiki xewiride éytilishiche, amérika tashqi ishlar ministirliqi amérika tewesidiki xususiylar igidarchiliqidiki barliq shirketlerning Uyghur diyari bilen baghlinishliq herqandaq iqtisadiy pa'aliyette jezmen aldi bilen mezkur rayon heqqide toluq chüshenchige ige bolushi lazimliqini telep qildi. U bu heqte söz qilip “Shexsiy shirketler shinjang heqqidiki barliq uchurlardin xewiri bolmighan ehwalda u jay bilen soda alaqisi qilmasliqi lazim” dégen.

Xewerde éytilishiche, shu küni ötküzülgen muxbirlarni kütüwélish yighinida tashqi ishlar ministirliqining bayanatchisi néd prayis ependi bu mesilini otturigha qoyghan. Melum bolushiche shu küni muxbirlar “Baydin hökümiti amérika shirketlirining béyjing qishliq olimpik musabiqisini bayqut qilishigha ishtirak qilamdu?” dep sorighanda u mushu jawabni bergen.

Melum bolushiche, amérika hökümiti Uyghur diyaridiki qirghinchiliqni deslep bolup étirap qilghan hemde bu heqte bir qatar jaza charilirini élan qilghandin buyan bu xildiki xitay bilen bolidighan iqtisadiy mu'amile ishlirigha qaritilghan köpligen cheklimiler arqimu-arqidin otturigha chiqmaqtiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar