Amérika xitayning sün'iy eqil özikige érishishige téximu köp cheklime qoyghan

Washin'gtondin muxbirimiz uyghar teyyarlidi
2024.06.12

Baydén hökümiti xitayning sün'iy eqil téxnikisini tereqqiy qildurushigha kéreklik özek (Chip) téxnikisini ishlitishige téximu köp cheklimilerni qoyushni oylishiwatqanliqini bildürgen.

“Bilumbérg agéntliqi” 11-iyun élan qilghan bu xewerde éytilishiche, bu cheklimiler yolgha qoyulghan teqdirde xitayning  aldinqi qatardiki özek qurulmisini ishlitish iqtidari cheklimige uchraydiken. Shundaqla xitayning  amérikining sün'iy eqil özikige érishishi téximu  qiyin bolidiken.

Xitayning tok aptomobilliri sana'iti gerche krimniyliq bataréye we matériyal jehette toluq menbege ige bolsimu, halqiliq téxnika bolghan yérim ötküzgüchlük özek téxnikisida cheklimige uchrighanliqi, buningda amérikaning özek téxnikisi we özek yasash sana'itide xitaygha qoyghan cheklimisining chong rol oynawatqanliqi melum.

 Xewerde,  amérikaning xitayni ilghar sün'iy eqil iqtidarigha ige özeklerge érishishtin cheklesh üchün tirishiwatqanliqi, shuning bilen bir waqitta xitayning bu téxnikilarni ishlitip herbiy küchini kücheytishidin ensirep, soda cheklimisini kücheytkenliki ilgiri sürülgen.

 Amérika hökümiti xitayning yérim ötküzgüch téxnikisigha ige bolushini amérika we uning ittipaqdash döletlirining bixeterlikige tehdit, dep qarighachqa,  yéqinda gollandiyedin özek yasaydighan üskünilerni xitaygha satmasliqni telep qilghanidi.

Amérika bilen yawropaning bu sahege qoyghan cheklimisi, jümlidin xitayning sün'iy eqil özikige érishishini cheklesh jazasi nöwette xitayning aptomobil sana'itining tereqqiyatini tosup qoyuwatqanliqi melum.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.