Amérika tamozhnasi xitaydiki mejburiy emgekke chétishliq chach mehsulatlirini musadire qilish buyruqi chiqardi

Muxbirimiz eziz
2020-06-17
Élxet
Pikir
Share
Print

Xitay hökümitining Uyghur diyarida "Namratliqni tügitish" namida Uyghur déhqanlarni we lagér mehbuslirini mejburiy emgekke séliwatqanliqi köplep melum bolghandin kéyin, amérika hökümiti we herqaysi sahening keskin tenqidige duch kelgen idi.

1-May küni amérika tamozhnasi we chégra qoghdash idarisi mexsus buyruq chüshürüp, xitay hökümitining mejburiy emgek pa'aliyitige chétishliq bolghan xoten "Xawlin chach mehsulatliri" shirkitining herqandaq mehsulatini amérikaning barliq tamozhna éghizlirida musadire qilishni uqturghan.

Mezkur idarining buyruqida "Xawlin shirkitining mehsulatliri mejburiy emgekke chétishliq bolghachqa shundaq qarar élindi" déyilgen. Shuningdek munasiwetlik qanunlar boyiche mejburiy emgek, balilar emgiki qatarliqlargha chétishliq barliq mehsulatlarni ishlepchiqirish, sétish we yötkeshni men'i qilidighanliqi tekitlen'gen.

Yéqinda radiyomiz Uyghur diyaridiki lagér mehbuslirining chachlirini késiwélip towargha aylandurush qilmishi heqqide xewer bergen idi.

Toluq bet