Amérika armiyisi taylandtiki herbiy manéwirgha qatnashti

Muxbirimiz eziz
2018.02.13

Yéqindin buyan asiya-tinch okyan rayonining rayon bixeterliki mesilisi yéngiwashtin amérika hökümitining xizmet küntertipidiki muhim nuqtilardin bolushqa bashlidi. Ene shu xil istratégiyilik ehmiyetni chiqish nuqta qilghan halda amérika armiyisi taylandtiki herbiy manéwirgha qatnishishqa ötken yillardin buyanqi eng zor sanda eskiriy küch ajratti.

Roytérs agéntliqining 13-féwraldiki xewiride éytilishiche, asiya rayonida 2014-yilidin buyanqi eng chong herbiy manéwir, dep qariliwatqan “Altun kobra” manéwirigha amérika armiyisidin 6800 kishi qatnashqan, bu ötken yilqi sanning ikki hessisige toghra kélidiken. 

Xewerde éytilishiche, “Altun kobra” manéwiri 30 yildin buyan ötküzülüp kéliwatqan bolup, bu yilqi manéwirgha 29 dölettin jem'iy 11 mingdin köprek esker qatnishidiken. Amérikining taylandiki bash elchixanisining bayanatchisi stéw kaston'gu'ay bu heqte toxtilip “Bu manéwir hindi-tinch okyan rayonidiki eng chong herbiy manéwir. Bu manéwir arqiliq biz mushu rayondikilerge amérikining wedisini yene bir qétim namayan qiliwatimiz” dégen. 

Melum bolushiche, bu yilqi herbiy manéwirgha bérma armiyisi teklip qilinmighan. Xewerde bu pewqul'adde ehwalning körülüshide 700 mingdin artuq rohéngga musulmanlirini sersanliqqa muptila qilghan, dégen eyibleshning muhim salmaqni igileydighanliqi qeyt qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.